Qurǵaqshylyqtan zardap shekkenderge berilgen nesıelerdiń merzimi uzartylady - «QazAgro»
Bul týraly «QazAgro» holdınginiń baspasóz qyzımeti habarlady.
Qazirgi tańda sharýashylyqtardan Holdıngtiń enshiles kompanııalary - «Azyq-túlik kelisim-shart korporatsııasy» UK» AQ men «Agrarlyq nesıe korporatsııasy» AQ-ǵa kóktemgi-egis jáne jınaý jumystaryn júrgizýge alynǵan nesıeler boıynsha mindettemelerin oryndaýǵa baılanysty alynǵan nesıeleriniń merzimin uzartýǵa 182 ótinim kelip tústi. Ótinimderdiń jalpy somasy 464 mln. teńgeni quraıdy. Qazirgi ýaqytta 459 mln.teńgeniń 51 ótinimi maquldanyp, merzimin uzartý rásimdelgen. Kompanııanyń qaraýynda 2,3 mlrd. teńgeniń 131 ótinimi jatyr.
Aǵymdaǵy jyly Qazaqstannyń jeke aımaqtarynda aýa raıynyń qurǵaqshylyǵyna baılanysty kúrdeli jaǵdaılardyń qalyptasqany belgili.
«Qazgıdromet» RMK málimeti boıynsha qurǵaqshylyqtyń negizgi oshaǵy Batys-Qazaqstan oblysynyń jeke aımaqtarynda, Qostanaı, Aqmola oblystarynyń ońtústik bóliginde, Qaraǵandy oblysynyń batys jáne ońtústik bóliginde, Aqtóbe oblysynyń ońtústik jáne shyǵys bólikterinde baıqaldy. Qazaqstannyń basqa aımaqtarynda da qurǵaqshylyqtyń dáleldi derekteri bar.
Nesıe boıynsha merzimin uzartý sharttary:
Ótinimderdi qabyldaý merzimi: 2012 jylǵy 10 qarashaǵa deıin;
Nesıe merzimin uzartý ýaqyty: 2013 jyly 20 qarashaǵa deıin;
ÁKK kepildigimen aýyl sharýashylyq taýaryn óndirýshilerden astyqty forvardtyq satyp alý boıynsha merzimin uzartý sharttary;
Ótinimderdi qabyldaý merzimi: 2012 jylǵy 10 qarashaǵa deıin;
Nesıe merzimin uzartý ýaqyty: 2013 jyly 20 qarashaǵa deıin;
Qazirgi ýaqytta «QazAgro» ulttyq holdıngi oblys ákimdikteri jáne aımaqtyq Áleýmettik-kásipkerlik korporatsııalarmen mindetteriniń merzimin uzartýdy usyný sheńberindegi ózara is-qımyldar boıynsha jumysty jalǵastyrýda (egistikterdi esepten shyǵarý jónindegi komıssııa jumysy). Budan basqa aýyl turǵyndaryna qurǵaqshylyq saldaryn joıý jáne nesıe merzimin uzartý sharttary boıynsha qabyldanatyn sharalar túsindirilýde.
Buryn habarlanǵandaı, «QazAgro» kompanııasy tobyna kiretin «Azyq-túlik korporatsııasy» UK» AQ jáne «Agrarlyq nesıe korporatsııasy» AQ aýylsharýashylyq taýaryn óndirýshilerdiń olardyń 023 bıýdjettik baǵdarlamasy esebinen kóktemgi-egis jáne egin jınaý jumystaryna alǵan, ekinshi deńgeıli bankterdiń kepildigimen nemese áleýmettik-kásipkerlik korporatsııalardyń kepildigimen berilgen nesıeler boıynsha mindettemeleriniń merzimin uzartýǵa ótinimderdi jınaýǵa kirisip ketti.
Bul shara Qazaqstan Respýblıkasy Úkimetiniń 2012 jylǵy 24 shildedegi keńeıtilgen otyrysynda bergen tapsyrmalaryna, sondaı-aq Qazaqstan Respýblıkasynyń ekonomıkasyn jańartý máseleleri jónindegi komıssııanyń 2012 jylǵy 23 shildedegi sheshimine sáıkes qabyldandy.