Qurǵaqshylyqtan zardap shekken jambyldyq fermerlerge ótemaqy tólene bastady

<p>Jambyl oblysynda jazda qurǵaqshylyq boldy. Nátıjesinde 6 aýdanda jergilikti deńgeıde tótenshe jaǵdaı jarııalandy. Búginde qurǵaqshylyq saldarynan zardap shekken fermerlerge ótemaqy berilip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Iá, jazda Jambyl oblysynyń 6 aýdanynda qurǵaqshylyqtan tótenshe jaǵdaı jarııalandy. Úkimettiń qaýlysymen qurǵaqshylyqtan zardap shekken dıqandarǵa 3,7 mlrd teńge bólindi. Dıqandardyń shyǵyny ótelip jatyr», - dedi QR Aýyl sharýashylyǵy vıtse-mınıstri Azat Sultanov KazAgro-2023 halyqaralyq kórmesi barysynda BAQ ókilderiniń saýalyna jaýap bere otyryp.

Onyń aıtýynsha, fermerlerdiń shyǵyny ǵylymı uıymdar ázirlegen tehnologııalyq kartadan alyndy.

«Óńirlik sıpatta tótenshe jaǵdaı jarııalanǵan óńirler bar. Ár aýdanda jumys toptary quryldy. Olar tikeleı sharýashylyqqa baryp, eginniń jaı-kúıi boıynsha aktiler jasady. ıAǵnı, qansha ónim alyndy, osy ýaqyt ishinde olar qansha sýbsıdııa aldy. Ǵylymı uıymdar ázirlegen tehnologııalyq kartaǵa sáıkes zalal somasy sol jerden alyndy. Biz alynbaǵan paıda týraly aıtyp otyrǵan joqpyz, sý resýrstary tapshylyǵynan keltirilgen zalal somasyn alyp tastadyq», - deıdi ol.