Kúresten el birinshiliginde álem chempıony Rızabek Aıtmuhan qarsylasynan jeńilip qaldy

<p>ASTANA. KAZINFORM &ndash; Astana qalasynda kúres túrlerinen eresekter arasynda Qazaqstan chempıonaty máresine jetti.</p>

Eń sońǵy básekede erkin kúresten 97 kelige deıingi salmaqta Tokıo olımpıadasyna qatysqan Azııa birinshiliginiń eki dúrkin kúmis júldegeri Álisher Erǵalı men álem chempıony Rızabek Aıtmuhan beldesti.

Ótken jyly aıdy aspanǵa shyǵaryp, 92 kelide qazaqstandyqtar arasynan alǵash ret 19 jasynda álem chempıony atanǵan Rızabek Aıtmuhan keıin olımpıadalyq salmaqqa aýysqan edi.

Bul joly fınalda Rızabek Álisherdi beldesý barysynda barynsha tyqsyryp, alda turdy.

Alaıda aıqas sońyna taman Álisher kúsh alyp, 14:10 esebimen jeńiske jetti. 

Osylaısha Álisher Erǵalı Parıj olımpıadasynyń joldamasy úshin talasýǵa múmkindik aldy. 

Eske sala keteıik, budan buryn erkin kúresten alǵashqy jeńimpazdar anyqtalǵanyn jazǵan bolatynbyz.