Kúresten álem chempıonatynyń alǵashqy kúni 4 balýanymyz synǵa túsedi

NUR-SULTAN. QazAqparat - Nur-Sultanda kúres túrlerinen lıtsenzııalyq álem chempıonatynyń alǵashqy kúni grek-rım kúresinen tórt qazaqstandyq balýan synǵa túsedi, dep habarlaıdy QazAqparat tilshisi.

Álem chempıonatynyń shymyldyǵyn grek-rımkúresiniń balýandary ashyp, júldeli oryndarǵa talasyp qana qoımaı, 2020 jylǵy Tokıo Olımpıadasynyń joldamasyn da sarapqa salady.
Alǵashqy jarys kúni 55 keli salmaqta– Qorlan Jaqansha, 63 keli salmaqta - Almat Kebisbaev, 72 keli salmaqta - Demeý Jadyraev jáne 82 keli salmaqta - Maqsat Erejepov el namysyn qorǵaıdy.
Esterińizge sala keteıik, osyǵan deıin álem birinshiliginiń jarys kestesin jarııalaǵan bolatynbyz.