Kúresten álem chempıonatyndaǵy alǵashqy qarsylastarymyz belgili boldy

NURSULTAN. QazAqparat- Kúres túrlerinen elorda tórinde jalaýy jelbireıtin álem chempıonatynda grek-rım kúresinen synǵa túsetin balýandarymyzdyń alǵashqy qarsylastary anyqtaldy, dep habarlaıdy QazAqparat.

Búgin álem chempıonaty aldynda grek-rım kúresiniń jerebesi tartyldy. Jerebe tartý qorytyndysyna sáıkes, 55, 63, 72 jáne 82 kelige deıingi salmaq dárejesindegi balýandardyń qarsylastary belgili boldy.

Qazaqstandyq Qorlan Jahansha (55 keli) birinshi aınalymda aljırlik Abdılkarım Fergatpen kezdesedi. Al kúresti 1/8 fınalynan bastaıtyn Almat Kebisbaev (63 keli) bolsa, ındııalyq Sagara Sagarnımen beldesedi. Demeý Jadraevtyń (72 kg) alǵashqy qarsylasy - Palaý memleketiniń sportshysy Djarvııýs-Sadam Blesam Tarkong. Sondaı-aq irikteý kezeńinde Maqsat Erejepov (82 keli) japonııalyq ıÝa Okajımamen kúresedi.
Esterińizge sala keteıik, 14 qyrkúıek kúni Nur-Sultanda kúres túrlerinen álem chempıonaty ótetinin jazǵan bolatynbyz. Álem chempıonatyna álemniń 100-den astam elinen eń myqty apaıtós balýandar qatysady. Olar júldeli oryndarmen qatar 2020 Tokıo olımpıadasynyń joldamasyn sarapqa salady