Kúresten álem chempıonatynda qazaq balýany fınalǵa shyqty

NUR-SULTAN. QazAqparat - Elorda tórinde kúres túrlerinen ótip jatqan álem chempıonatynda qazaqstandyq balýan fınalǵa shyqty, dep habarlaıdy QazAqparat tilshisi.

Búgin Nur-Sultanda kúres túrlerinen lıtsenzııalyq álem chempıonaty bastaldy. 55 keli salmaqta el namysyn qorǵap jatqan balýanymyz Qorlan Jaqansha jartylaı fınalda 2018 jylǵy álem chempıony, ázerbaıjandyq Eldanız Azızlıdi jeńip, fınalǵa shyqty.
Asa tartysty ótken beldesýde qazaq balýany qarsylasyn 11:5 esebimen utty.
Endi otandasymyz álem birinshiliginiń altyn júldesi úshin synǵa túsedi.
Fınaldyq jekpe-jek erteń, ıaǵnı 15 qyrkúıek kúni ótedi.