Kúresten álem chempıonatyn álemniń 104 eli tamashalaıdy
14-22 qyrkúıek kúnderi elordada kúrestiń 4 túrinen álem chempıonaty ótedi. QR erkin kúres federatsııasynyń vıtse-prezıdenti Erlan Qojasbaıdyń aıtýynsha, básekeni álemniń ár túkpirinen 800 mln-ǵa jýyq adam tamashalaýǵa múmkindik jasalǵan
«Bul chemıpıonatta grek-rım, erkin jáne áıelder kúresinen bólek tuńǵysh ret greplıngten álem chempıonaty ótedi. Nur-Sultanda tuńǵysh ret ótetin birinshilikten «Qazsport» telearnasy arqyly 104 elge sıgnal taratady. Sonda 700-800 mln adam kógildir ekran arqyly kórermen bolady»», - dedi Erlan Qojasbaı.
Al «Qazsport» telearnasynyń dırektory Pavel Tsybýlın bul chemıponatty kórsetý quqyǵyn 8 memleket satyp alǵanyn aıtty.
«Qazsport» telearnasy chemponatty tutastaı tikeleı efırde kórsetedi deýge bolady. Biz taratqan sıgnal boıynsha Japonııa, Iran, Reseı, Fınlıandııa bastaǵan segiz el taratý quqyǵyn satyp aldy. Búkil qazaqstandyq balýandardyń kúresin tikeleı beremiz degen jospar bar», - dedi Pavel Tsybýlın.