Kúres túrlerinen reıtıngilik týrnırlerge qazaqstandyq balýandar qalaı irikteledi

<p>ASTANA. KAZINFORM &mdash; Kúres túrlerinen Azııa chempıonaty men aldaǵy reıtıngilik týrnırlerge qatysatyn balýandar el birinshiliginde anyqtalady. El chempıonaty 1-6 aqpan aralyǵynda Astana qalasynda bolady.</p>

Qazir kúres túrlerinen el quramasy enshisinde 2024 jylǵy Parıj Olımpıadasyna 2 joldama bar.

Onyń birine erkin kúresten Azamat Dáýletbekov ((86 keli) qol jetkizse, taǵy bireýi grek-rım kúresinen Nursultan Tursynovtyń (87 keli) enshisine buıyrdy.

Endigi kezekte kúres túrlerinen qazaqstandyq balýandar eki irikteý týrnırine qatysady.

Onyń alǵashqysy — 19-21 sáýir kúnderinde Qyrǵyzstan astanasy Bishkek qalasynda qurlyqtyq irikteý týrnıri bolady. Oǵan elimizdiń atynan bes balýan qatysa alady.

«Aıta ketsek, Olımpada baǵdarlamasyna alty salmaq engizilgen. Al Azııa aımaqtyq irikteý týrnırine elimizdiń atynan áıelder kúresinde alty, erkin jáne grek-rım kúresterinen bes balýan barady. Oǵan baratyn balýandar Qazaqstan birinshiligi men odan keıingi jarystarda irikteledi», — dedi Qazaqstan kúres túrleri federatsııasynyń baspasóz hatshysy Aspandııar Esenjolov Kazinform tilshisine.

Sondaı-aq, qazaqstandyq balýandardyń Túrkııanyń Ystanbul qalasynda ótetin álemdik irikteý týrnırinde joldamany ıelenýge múmkindigi bar.

Eske alsaq, budan buryn Astana qalasynda ótetin kúres túrlerinen Qazaqstan chempıonatynyń oıyn kúntizbesi jarııalandy.

Ulttyq birinshilikke elimizdiń 17 oblysy men Almaty, Astana, Shymkent qalalarynan kelgen balýandar ózara myqtyny anyqtaıdy.