Kúres túrlerinen Qazaqstan chempıonaty Astanada ótedi

<p>31 qańtar kúni Astanada kúres túrlerinen (erkin, grek-rım jáne áıelder) Qazaqstan chempıonaty jalaýyn kóteredi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

QR Ulttyq olımpıadalyq komıteti málim etkendeı, ulttyq birinshilikke elimizdiń 17 oblysy men Almaty, Astana, Shymkent qalalarynan kelgen balýandar ózara myqtyny anyqtaıdy.

El birinshiliginiń nátıjesinnen keıin Bishkekte (Qyrǵyzstan) ótetin Azııa aımaqtyq, Stambýlda (Túrkııa) ótetin álemdik irikteý týrnırinde baq synaıtyn balýandar esimi belgili bolmaq.

Aıta keteıik, qazirgi resmı aqparat boıynsha, erkin kúresten álem chempıonatynyń qola júldegeri Azamat Dáýletbekov pen grek-rım kúresinen komanda múshesi Nursultan Tursynov el chempıonatynan bosatylǵan. Oǵan sebep – eki balýan da Parıj Olımpıadasyna joldama alǵan. Sondyqtan olar maqsatty túrde daıyndyqqa kirispek.

Kúres túrlerinen Qazaqstan birinshiligi Jaqsylyq Úshkempirov atyndaǵy jekpe-jek saraıynda uıymdastyrylady.

El chempıonatynyń jeńimpazdary 5 aqpanda belgili bolady.