Kúres túrlerinen Azııa lıtsenzııalyq týrnırine qatysatyn qazaqstandyq balýandar anyqtaldy
Іrikteý lıtsenzııalyq týrnırine elimizdiń atynan grek-rım, erkin jáne áıelder kúresinen 16 sportshy qatysady. Onyń ishinde grek-rım jáne erkin kúres túrlerinen bes-besten balýandar barsa, áıelder kúresinen alty sportshy baq synaıdy.
Grek-rım kúresinen Aıdos Sultanǵalı (60 keli), Meıirjan Shermahanbet (67 keli), Demeý Jadraev (77 keli), Oljas Syrlybaı (97 keli), Álimhan Syzdyqov (130 keli) boz kilemge shyǵady.
Al erkin kúresten Erasyl Muhtaruly (57 keli), Maııs Alıev (65 keli), Nurqoja Qaıpanov (74 keli), Álisher Erǵalı (97 keli ), ıÝsýp Batyrmýrzaev (125 keli) saıysqa tússe, áıelder kúresinen Laýra Ǵanıqyzy (50 keli), Juldyz Eshımova (53 keli), Emma Tısına (57 keli), Irına Kýznetsova (62 keli), Shalygına Elena (68 keli), Jámıla Baqbergenova (76 keli) el namysyn qorǵaıdy.
«Sondaı-aq, Parıj Olımpıadasyna joldama beriletin álemdik irikteý týrnıri 9-12 mamyr aralyǵynda Túrkııanyń Stambýl qalasynda bolady. Onda árbir salmaqta úsh joldama sarapqa salynady. Jartylaı fınalda jeńimpaz atanǵan balýandar Olımpıadaǵa joldama alady. Al úshinshi oryn úshin beldesý ótkizilip, jeńgeni taǵy bir joldama ıesi atanady», - dedi Kazinform tilshisiniń suraǵyna bergen jaýabynda Qazaqstan kúres túrleri federatsııasynyń baspasóz hatshysy Aspandııar Esenjolov.
Ázirge kúres túrlerinen el quramasynyń enshisinde 2024 jylǵy Parıj Olımpıadasyna 2 joldama bar. Onyń birine erkin kúresten Azamat Dáýletbekov ((86 keli) qol jetkizse, taǵy bireýi grek-rım kúresinen Nursultan Tursynovtyń (87 keli) enshisine buıyrdy.
Eske salsaq, budan buryn kúres túrlerinen eresekter arasyndaǵy Azııa chempıonatyna qatysatyn qazaqstandyq balýandar belgili boldy.