Kúrekpen uryp soqqan: Polıtsııa Aqtaýdaǵy tóbeleske túsinik berdi

AQTAÝ. QazAqparat - Aqtaýda er adamdar arasynda tóbeles shyǵyp, birin-biri kúrekpen aıaýsyz uryp soqqan, dep habarlaıdy QazAqparat tilshisi.

Áleýmettik jelide taraǵan taspada birneshe er adam jerde jatqan adamdardy kúrekpen urǵany kórinip tur.

Kýágerlerdiń aıtýynsha, oqıǵa 6-shaǵynaýdandaǵy «Tandyr Haýs» kafesiniń janynda bolǵan.

Oblystyq Polıtsııa departamenti baspasóz qyzmetiniń málimetinshe, janjal alkogoldik ishimdik ishkennen keıin bastalǵan.

«Shamamen saǵat 16:30-da Aqtaý polıtsııa basqarmasy 102 kezekshi pýltine turǵyndardan 6-shaǵynaýdandaǵy 37-úıdiń mańynda tóbeles bolyp jatqandyǵy týraly habarlama tústi. Oqıǵa ornyna jedel-tergeý toby shyqty. Kelgen polıtsııa qyzmetkerleri tóbeleske qatysýshylardy ustap, Aqtaý polıtsııa basqarmasyna jetkizdi. Tóbeles turmystyq jaǵdaıda bolǵany anyqtaldy», - delingen baspasóz qyzmeti taratqan habarlamada.

Atalǵan fakti boıynsha QR Qylmystyq kodeksiniń 293-babymen (Buzaqylyq) sotqa deıingi tergeý amaldary bastaldy. Tergeý jalǵasýda.