Kúre joldardy qar basýdan qorǵaıtyn jańa tehnologııa synaqtan ótýde

ASTANA. QazAqparat - «QazAvtoJol» UK» AQ respýblıkalyq mańyzy bar avtojoldarda qaýipsizdik deńgeıin arttyrýǵa baǵyttalǵan is-sharalar keshenin iske asyrýdy jalǵastyrýda, dep habarlaıdy QazAqparat.

«Máselen, elimizde shyǵarylǵan joldardy qar basýdan qorǵaıtyn zamanaýı qorshaýlar synaqtan ótýde. Modýldik konstrýktsııa»Astana-Pavlodar«respýblıkalyq mańyzdaǵy kúre jolynyń 24 shaqyrymynda (Qoıandy aýyly qasyndaǵy kólik aıryǵynan keıin) ornatyldy.

Jańa «KT-63» qorshaýlarynyń eń basty artyqshylyǵy — olar korrozııaǵa tózimdi materıaldardan jasaqtalǵan», - dep jazdy vedomstvodan.

Tıisinshe, bul qorshaýlardyń qyzmet etý merzimi de uzaǵyraq. Temirbetonnan jasalǵan arnaıy qorshaýlarmen salystyrǵanda, bul qorshaýlardy ornatý ońaı jáne tehnıkalyq qyzmet kórsetip, kútip-ustaýdy qajet etpeıdi.