Qurbandyq malyn qashyqtan shalýǵa da bolady - Ershat Ońǵarov

NUR-SULTAN. QazAqparat - Qurbandyq malyn shalýdy qashyqtan oryndaýǵa bolady. Bul týraly Qazaqstan musylmandary dinı basqarmasy tóraǵasynyń orynbasary, naıb múftı Ershat Ońǵarov aıtty, dep habarlaıdy QazAqparat tilshisi.

«Halyqaralyq astronomııalyq ınstıtýttardyń boljamy boıynsha, bıylǵy qurban aıt Alla qalasa 31 shildege saı keledi. Degenmen, onyń naqty kúnin sodan 10 kún buryn jarııalap aıtamyz», - dedi ol Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Sonymen qatar ol Qurban aıt meıramy kezinde qatań shekteý sharalary sozylatyn bolsa, onda basqarma tarapynan naqty jumystar qolǵa alynatynyn aıtty.

«Esterińizde bolsa, Oraza aıt kezinde karantınge baılanysty aıt namazy oqylmaǵan bolatyn. Bul jaǵdaıda da shekteý sharalary sozylatyn bolsa, aıt namazyn ókinishke qaraı meshitte oqı almaımyz. Alaıda Qurban aıt meıramy qurbandyq shalýmen erekshelenedi. Qurbandyq malyn shalýdy qashyqtan da oryndasa da, tapsyrys berý arqyly oryndasa da bolady. Alla qalasa, biz oǵan jaǵdaı jasaýǵa tyrysamyz. Árıne, bul rette jergilikti ákimdik tarapynan retteý jumystary bolady. Qurbandyq shalý ýaqytyna keler bolsaq, bıyl 31 shilde dep otyrmyz. Sol kúni tańnan bastap úsh boıy kún batqanǵa deıin qurbandyq shalýǵa bolady», - dedi naıb múftı.

Onyń atap ótýinshe, sharıǵat qurbandyq shalýdy barlyq adamǵa júktemeıdi. Tek jaǵdaıy bar adamdarǵa ǵana qurbandyq shalý mindetteledi.