Qurbandar zorlyq-zombylyq týraly ashyq aıtsa, is tez ashylady – ІІM

<p>Elordada zorlyq-zombylyqqa tap bolǵan jandarǵa qoldaý kórsetetin ortalyq jumys isteıdi. Ol jerde medıtsınalyq, psıhologııalyq, áleýmettik, quqyqtyq kómek kórsetiledi, dep habarlaıdy <a href="https://kaz.inform.kz/lenta/" target="_blank" rel="noopener">QazAqparat </a>tilshisi.</p>

«Memleket basshysy turmystyq zorlyq-zombylyq basqa da kúsh kórsetý áreketterine qarsy kúres sharalaryna asa mán beredi. 2021 jyly Prezıdenttiń tapsyrmasy boıynsha ishki ister mınıstrligi júıesinde áıelder men kámeletke tolmaǵandarǵa qarsy jasalǵan seksýaldyq sıpattaǵy zorlyq-zombylyq qylmystaryn tergeý jumystaryna áıelderdi tarta bastady. Bul tájirıbeni engizý atalǵan sanattaǵy qylmystardy tergeýdiń tıimdiligine oń áserin tıgizdi. Jalpy qurbandar zorlyq-zombylyq týraly ashyq aıtsa, is tez ashylady», - dedi ІІM tergeý departamentiniń asa mańyzdy ister jónindegi aǵa tergeýshisi Oraz Jaısanbaı vedomstvoda ótken brıfıngide.

Onyń aıtýynsha, jábirlenýshi istiń mán-jaıyn ashyq aıtqan kezde tergeýshilerge degen senim de artady.

«Bul dálelderdi bekite otyryp, jasalǵan árekettiń barlyq egjeı-tegjeıin ýaqtyly jáne egjeı-tegjeıli anyqtaýǵa múmkindik berdi. Búginde zorlyq-zombylyq qurbandaryna qoldaý kórsetetin arnaıy ortalyq bar. Ol jerde bir ýaqytta ýaqtyly medıtsınalyq, psıhologııalyq, áleýmettik, quqyqtyq kómek kórsetiledi», - deıdi ol.