Qurban shalý úshin qaryz alýǵa bola ma

ASTANA. QazAqparat – Qaryzdanyp qurban shalýǵa bola ma? Bul suraqqa Qazaqstan musylmandary dinı basqarmasynyń ýaǵyz-nasıhat bóliminiń meńgerýshisi Batyrjan Mansurov jaýap berdi, dep habarlaıdy QazAqparat tilshisi.

«Qaryz alyp qurban shalý mindet emes. Óıtkeni, qurban shalý úshin adamnyń jaǵdaıy bolýy kerek. Múmkindigi bar adam qurban shalý kerek, al jaǵdaıy bolmasa qaryzdanyp qurban shalýdyń qajeti joq. Alaıda qurban shalýdyń saýabynan qur qalmaıyn, men de qurban shalaıyn degen maqsatta qaryz alsa, ol bolady. Biraq, shamasyna qaraý kerek», - dedi Batyrjan Mansurov OKQ-de ótken brıfıngte.

Sondaı-aq, brıfıng barysynda qurban shalmaı aqshasyn muqtaj jandarǵa berýge bola ma degen saýal qoıyldy.

«Qurban maldy kórsetilgen, bekitilgen ýaqytta shalý kerek. Al sadaqa retinde qurbandyq qarajaty júrmeıdi. Al bul kúnderi jalpy sadaqa berýge bolady. Al qurbandyqqa mal shalý ol ýájip», - dep túsindirdi QMDB ókili.

Buǵan deıin qurbandyqqa qandaı maldardyń jaramaıtyny týraly habarlaǵan edik.

Odan bólek, mamandar aıt namazdan buryn shalynǵan qurbandyq qabyl bola ma saýalǵa jaýap berdi.

Sonymen qatar qurban shalǵanda neni eskerý kerektigi aıtyldy.