Qurban aıtqa baılanysty Qytaı banki qaıyrymdylyq kórsetti
Fılıal qyzmetkerleri tarapynan 535 000 teńge kóleminde qaıyrymdylyq kómek kórsetilip, 80 dana kıim-keshek jáne basqa da materıaldar berildi. Fılıal qyzmetkerleri qaıyrymdylyq qory kómek kórsetetin turǵyndardy Qurban Aıt merekesimen quttyqtap, denderine saýlyq, baq pen bereke, birlik pen tatýlyq, el amandyǵy men jurt tynyshtyǵyn tilep, halyqtyń áleýmettik jaǵynan az qamtylǵan bóligine janashyrlyǵyn bildirdi.
China Construction Bank Corporation Astana Branch Fılıaly 2019 jyldyń 23 qyrkúıeginde Qazaqstannyń astanasynda Astana Halyqaralyq Qarjy Ortalyǵynda (AHQO) resmı túrde ashylǵan bolatyn. Bul AHQO-da tirkelgen, Qytaı tarapynan qarjylandyratyn birinshi kommertsııalyq bank bolyp esepteledi. Fılıal ashylǵan sátten bastap Qazaqstan men Qytaı arasyndaǵy qarym-qatynastardy túrli arnalar arqyly damytý maqsatynda «Bir beldeý, bir jol» bastamasyn belsendi túrde júzege asyryp, qarjylyq qyzmetter kórsetip, áleýmettik mindettemelerin oryndap keledi.
Fılıal aýrýhanalarǵa, qaıyrymdylyq uıymdaryna, oqý oryndaryna, qarttar úıleri men balalar úılerine kıim-keshek, ómirlik qajetti zattar, epıdemııaǵa qarsy jáne sýyq tııýge qarsy materıaldar túrinde birneshe márte kómek kórsetti. Jergilikti qaıyrymdylyq uıymdary men bilim berý mekemelerine jasalǵan qaıyrymdylyq CCB Group mekemesiniń qoǵamdaǵy jáne naryqtaǵy áleýmettik ımıdji men bedelin qalyptastyrdy.