Qurban aıt: Pavlodar oblysynda mal satýdyń shekteýli tártibi engizildi

NUR-SULTAN. QazAqparat – Pavlodar oblysy bas sanıtar dárigeriniń Qurban aıt kezindegi karantın sharalary týraly jańa qaýlysy jarııalandy, dep habarlaıdy QazAqparat.

Qaýly boıynsha óńirde menshik nysanyna qaramastan barlyq uıymdarda, sondaı-aq jeke menshik úıler men medreselerde adamdar kóp jınalatyn is-sharalardy ótkizýge tyıym salynatyn boldy.

«Avtokólikterden jáne jeke menshik úı ıelikterinen mal satýǵa tyıym salynsyn», - dep jazylǵan qujatta.

Sondaı-aq, qurbanǵa shalynatyn maldy satý jáne soıý jumystary tek veterınarııalyq qyzmettiń resmı qorytyndysyn alǵan arnaıy pýnkter men alańdarda júrgizý qajettigi kórsetkilgen.

Atalǵan mal soıý pýnkterinde kúsheıtilgen veterınarııalyq-sanıtarııalyq baqylaý men qadaǵalaý júrgiziletini aıtylǵan.

«Qurbandyq shalýdy Qurban2021.kz saıtyna ótinim bere otyryp, onlaın-rejımde ótkizilsin. Muqtaj adamdarǵa qurbandyq etin taratý isin oǵan tartylǵan adamdardy jeke qorǵanysh quraldarymen qamtamasyz ete otyryp, tez buzylatyn ónimderdi tasymaldaý jáne saqtaý jónindegi sanıtarııalyq-epıdemıologııalyq erejelerdiń talaptaryn saqtaý arqyly uıymdastyrý kerek», - delingen qaýly mátininde.

Qaýly 16 shilde kúni saǵat 00:00-den bastap 23 shildege deıin kúshinde bolady.