Qurban aıt: óńirlerde qurbandyq maly qanshadan satylyp jatyr

<p>ASTANA. KAZINFORM &ndash; Qurban shalý rásimin qashyqtan ótkizýge arnalǵan <a href="https://www.qurban2024.kz/#/kk" target="_blank" rel="noopener">qurban2024.kz</a> saıty iske qosyldy.&nbsp;</p>

Qazaqstan musylmandary Dinı basqarmasynyń málimetinshe, onlaın túrde qurban shalam deýshiler saıt arqyly qurbandyq malyn tańdap, Kaspi QR arqyly qajetti qarajatty aýdara alady.

Qoı men eshkini jeke adam, al iri qara men túıe malyn bir nemese 7 adam birigip shalsa bolady. Tapsyrysyńyz sátti ótse uıaly telefonyńyzǵa SMS habarlama keledi. Qurbandyq shalynǵan soń onyń foto jáne vıdeo esebi tapsyrys berýshi kórsetken nómirge jiberiledi.

Qurban shalýǵa bolatyn qoıdyń eń arzan baǵasy Semeıde (Abaı oblysy) tirkelip otyr, 1 qoıdy 40 myń teńgeden bastap satyp alýǵa bolady. Eń qymbat baǵa Atyraý, Qostanaı jáne Mańǵystaý oblystarynda, atalǵan óńirlerde qoıdyń quny 150 myń teńgege deıin barady.

Foto: Kazinform

Qoıdan bólek, keıbir óńirlerde eshki, sıyr, túıe sekildi usaq jáne iri qara maldy qurbandyqqa shalýǵa bolady.

Eske sala keteıik, Bas múftı Qurban aıt qarsańynda kásipkerlerge úndeý jasady.

QMDB baspasóz qyzmetiniń málimetinshe, Naýryzbaı qajy Taǵanuly kásipkerlerden Qurban aıtta mal baǵasyn qoldan kótermeı, halyqtyń áleýmettik jaǵdaıyn eskerip, ońtaıly baǵa usynýǵa shaqyrdy.

Aıta ketsek, elordada qurban shalý oryndary anyqtaldy.