Qurban aıt merekesinde veterınarlyq anyqtamasy bar maldy ǵana soıý kerek

NUR-SULTAN. QazAqparat - Qurban aıt merekesi 9-11 shilde aralyǵynda ótedi. Eldegi sanıtarııalyq-epıdemıologııalyq jaǵdaıǵa baılanysty, sondaı-aq turǵyndar arasynda SOVID-19 jáne jiti ishek ınfektsııalarynyń taralýyna jol bermeý maqsatynda Sanıtarııalyq-epıdemıologııalyq baqylaý komıteti birqatar saqtyq sharalaryn usynady, dep habarlaıdy QazAqparat.

Komıtettiń resmı ókili Erjan Baıtanaevtyń málimetinshe, mal soıýdy veterınarııalyq anyqtama bolǵan jaǵdaıda ǵana júrgizý kerek. Qurban2022.kz saıtyna ótinim bere otyryp, onlaın rejımde qurbandyq shalýdy uıymdastyrý múmkindigin de paıdalanǵan abzal.

«Jabyq úı-jaılarda, adamdar kóp shoǵyrlanatyn oryndarda buqaralyq is-sharalardy ótkizý kezinde qashyqtyqty saqtaý jáne betperde kııý, qoldy jıi antıseptıkpen óńdeýge keńes beremin. Qoǵamdyq tamaqtaný obektilerinde (toıhana, meıramhanalar, dámhanalar, ashanalar, meshitter jáne t. b.) jáne salttyq is-sharalardy ótkizý boıynsha qyzmet kórsetetin nysandarda ártúrli is-sharalardy ótkizý kezinde úıde daıyndalǵan taǵamdardy paıdalanbaǵan jón. Tez buzylatyn ónimderdi salqyn orynjaılarda saqtap, azyq-túlik ónimderin, ásirese sút, salattar satyp alǵanda, jaramdylyq merzimine, shyǵarylǵan kúnine nazar aýdaryńyz, daıyndalǵan taǵamdy bólme temperatýrasynda 2 saǵattan artyq qaldyrmańyz», - dep jazdy Baıtanaev.

Resmı ókil, kezdeısoq adamdardan nemese ruqsat etilmegen saýda oryndarynan tamaq ónimderin satyp almaýǵa shaqyrdy. Jańa daıyndalǵan taǵamdy aldyńǵy kúnniń qaldyqtarymen aralastyrmaý, daıyn taǵam kelesi kúnge qalsa, ony qoldanar aldynda termııalyq óńdeýden ótkizý (qaınatý nemese qýyrý) asa mańyzdy.

Turǵyn úıdi únemi taza ustaý jáne jeke gıgıena erejelerin saqtaý, kishkentaı balalarǵa qaınatylmaǵan sút, shıki jumyrtqa bermeý, tamaq daıyndaý úshin tek jańa (balǵyn) ónimderdi paıdalaný da nazarda bolǵany durys.