Qurban aıt: Qoıdyń úıitilgen basy da muqtaj jandarǵa taratylýda

NUR-SULTAN. QazAqparat – Qurbandyqqa shalynǵan qoıdyń basy da turǵyndarǵa taratylýda. Bul týraly QazAqparat muslim.kz saıtyna silteme jasap habarlaıdy.

Qasıetti Qurban aıt merekesine oraı QMDB tarapynan uıymdastyrylǵan Qurban shalý rásimi búgin de qyzý jalǵasý ústinde. Qurban maldaryn soıyp, muqtaj otbasylarǵa taratý jumystaryn aıttyń alǵashqy kúni-aq belsene bastap ketken QMDB Nur-Sultan ókildiginiń qyzmetkerleri búgin de ıgilikti sharanyń kórigin qyzdyra tústi .

Aıta keteıik, QMDB uıymdastyrǵan qashyqtyqtan ýákildik berý arqyly qurban shalý aktsııasy aıasynda keshegi kúngi deıin Elorda ókildigi boıynsha 32 iri qara jáne 600 qoı túligi jınalǵan bolatyn. Osy oraıda, qurban etin alýǵa onlaın ótinish bildirgen turǵyndarǵa qurbandyq etterine qosa, úıitilgen qoı bastary da qosa taratylýda.

Sondaı-aq, qurbandyqqa shalynǵan maldyń ishek-qaryny birden tazalanyp muqtaj jandarǵa taratyldy.