Quramynda esirtki bar dári-dármekti satqan 3 medqyzmetkerge is qozǵaldy

NUR-SULTAN. QazAqparat – Quramynda esirtki zattary bar dári-dármek aınalymy erejesin buzǵan 3 medıtsına qyzmetkerine qylmystyq is qozǵaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Osy jyldyń 29 qarashasy men 3 jeltoqsany aralyǵynda «Dármek» jedel aldyn alý is-sharasynyń tórtinshi kezeńi ótkizildi. Onyń negizgi maqsaty – esirtki, psıhotroptyq zattary men prekýrsorlardyń zańdy aınalymynyń buzylýyn anyqtaý. Іs-sharany ótkizý barysynda atalǵan zattardy qyzmetinde paıdalanatyn 75 kásiporyn men uıym tekserildi. Operatsııanyń 6 kúni ishinde elimizde QR Qylmystyq kodeksiniń 303-babymen (esirtki, psıhotroptyq nemese ýly zattar aınalymy erejesin buzý) 12 qylmys anyqtaldy»,- dedi Nurdildá Oraz ІІM baspasóz alańynda ótken brıfıng barysynda.

Onyń atap ótýinshe, Nur-Sultan qalasynda, Aqmola men Shyǵys Qazaqstan oblystarynda quramynda esirtki bar dári-dármek aınalymy erejesiniń buzylýyna jol bergen 3 medıtsna qyzmetkerine qatysty qylmystyq is qozǵaldy.

«129 ákimshilik quqyq buzý faktisi tirkeldi. Ákimshilik jaýapkershilikke 129 adam, onyń ishinde 32 medıtsına qyzmetkeri tartyldy. Barlyq materıaldar Densaýlyq saqtaý mınıstrligi medıtsınalyq jáne farmatsevtıkalyq baqylaý komıtetiniń aýmaqtyq bólimshelerine berildi», - dedi ol.