Quramynda nıkotıni bar veıp suıyqtaryn satqan elorda turǵyny sottaldy

<p>ASTANA. KAZINFORM &ndash; Sot úkimimen qala turǵyny Qylmystyq kodekstiń 214-babynyń 1-bóligimen zańsyz kásipkerlik úshin 100 saǵatqa májbúrli eńbekke tartý arqyly, 1 jylǵa bas bostandyǵyn shekteý jazasyna sottaldy. Bul týraly QR Prokýratýrasy málim etti.</p>

— Kináli tulǵa quramynda nıkotıni bar suıyqtyqty óndirý boıynsha tseh uıymdastyryp, zańsyz óndirilgen ónimderdi veıp satýmen aınalysatyn ártúrli dúkenderge jalpy somasy 64,4 mln teńgege ótkizgen, — delingen habarlamada.

Elorda prokýratýrasy kináli tulǵadan memleket kirisine zańsyz jolmen alynǵan kiristiń barlyq somasyn óndirý týraly azamattyq aryz keltirýge bastamashylyq etti. Sot sheshimimen qala prokýrorynyń talap aryzy qanaǵattandyrylyp, sottalýshydan zańsyz jolmen alynǵan tabys somasy tolyǵymen óndirildi. Sot aktisi zańdy kúshine endi. 

Buǵan deıin habarlagǵandaı, Atyraýda dúken qoımasynan 40 mln teńgeniń 3 myńǵa jýyq veıp ónimi tárkilendi.