Qupııa qyzmet basshysy Trampqa jasalǵan qastandyq jaýapkershiligin óz moınyna aldy

<p>ASTANA. KAZINFORM&mdash;AQSh Qupııa qyzmetiniń dırektory Kımberlı Chıtl kongrestegi tyńdaýda Donald Trampqa jasalǵan shabýyldy sońǵy onjyldyqtaǵy eń úlken sátsizdik dep atady, biraq óiziniń otstavkaǵa ketýi týraly eki partııanyń úndeýin qabyldamady, dep jazady&nbsp;<a href="https://www.bbc.com/russian" target="_blank" rel="noopener">BBC</a>.</p>

- Qupııa qyzmettiń qasıetti mıssııasy - ultymyzdyń kóshbasshylaryn qorǵaý, - dedi ol Palatanyń baqylaý komıtetindegi shıelenisti tyńdaý kezinde. — 13 shildede biz bul tapsyrmany oryndaı almadyq. AQSh Qupııa qyzmetiniń dırektory retinde men kez kelgen qaýipsizdiktiń buzylǵany úshin tolyq jaýapkershilikti óz moınyma alamyn. Qatelik ketkeni anyq jáne bul endi qaıtalanbaýy úshin bar kúshimizdi salamyz.

Eske sala keteıik, AQSh-tyń Pensılvanııa shtatyndaǵy Batler qalasynda saılaýaldy naýqan kezinde Donald Trampqa qastandyq jasaldy. 20 jastaǵy Tomas Metıý Krýks Tramp sóıleı bastaǵannan birneshe mınýttan soń avtomattan oq jaýdyrdy.

Tyńdaýdy ashqan Qadaǵalaý komıtetiniń tóraǵasy respýblıkalyq Djeıms Komer oqıǵanyń aldyn alýǵa bolatynyn aıtty.