Quny 30 mln teńgelik bekire balyǵyn satpaq bolǵan polıtseı ustaldy
12:37, 28 Aqpan 2020
NUR-SULTAN. QazAqparat - Mańǵystaý oblysynda quny 30 mln teńgelik bekire balyǵyn satpaq bolǵan polıtseı ustaldy. Bul týraly QR Sybaılas jemqorlyqqa qarsy is-qımyl agenttiginiń tergeýshisi Qaısar Barjaqsynov aıtty, dep habarlaıdy QazAqparat tilshisi.
Onyń dereginshe, Mańǵystaý oblysynyń sybaılas jemqorlyqqa qarsy qyzmeti óńirlik polıtsııa departamentiniń qyzmetkerin ustady.
Ol qyzmet babyn paıdalanyp, jalpy quny 30 mıllıon teńgelik salmaǵy 111 keli bolatyn quryp ketý qaýpi bar «bekire» tuqymdas balyqty zańsyz tasymaldaýmen jáne satýmen aınalysqan.
«Qazirgi ýaqytta polıtsııa qyzmetkeri óz kinásin moıyndady», - dedi Qaısar Barjaqsynov.