TAShKENT. KAZINFORM – Ózbekstanda aptap ystyqqa baılynysty poıyzdardyń júrý jyldamdyǵyna shekteý engiziledi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
«Temperatýra joǵary bolǵan kezde temirjol relsteri men olardyń bolat bólikteri qyzady. Jolaýshylar men poıyzdyń qaýipsizdigin qamtamasyz etý maqsatynda jyljymaly quramnyń qozǵalys jyldamdyǵyna shekteýler engiziledi», - delingen «Ýztemırıýlıýlovchı» kompanııasy tartqan habarlamada.
Osyǵan baılanysty kompanııa poıyzdardyń keshigýi múmkin ekenin eskertti. Sonymen qatar vagondardaǵy salqyndatý júıesin tolyq qýatta paıdalanýǵa shekteý engiziledi.
Aıta keteıik, keıingi birneshe kún qatarynan Ózbekstanda aptap ystyq saqtalýda. Ortasha temperatýra 44... 46 gradýs bolsa, keıbir óńirlerde 48 gradýstan joǵary.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.