Kúnniń ystyǵy qatty áser etti: ıAroslava Shvedova jarystan nelikten bas tartqanyn túsindirdi

TOKIO. QazAqparat - ıAroslava Shvedova Olımpıadada nelikten jarys jolynan shyǵyp qalǵanyn túsindirdi, dep habarlaıdy QazAqparat.

Qazaqstandyq tennısshi ıAroslava Shvedova Olımpıadanyń kelesi aınalymyna óte alǵan joq. Ol kezdesý kezinde oıyndy toqtatýǵa májbúr boldy.

Ulttyq olımpıada komıtetiniń resmı saıtyna suhbat bergen tennısshi jarystan bas tartýynyń sebebin aıtty.

«Óz ózime endi kelip jatyrmyn. Ókinishke qaraı, kezdesý jeńilispen aıaqtaldy. Jaqsy oınap, tyrysqan sııaqtymyn. Bári jaman emes edi, alaıda, birinshi settiń aıaǵyna qaraı ystyqqa shydaý múmkin bolmady. Kúnniń ystyǵy qatty áser etti.

Sonda da toqtamaı, birneshe geım oınaýǵa tyrystym. Biraq jaǵdaıym nasharlap, aıaǵymdy sezbeı qaldym. Oıyndy toqtatqym kelgen joq, eń sońyna deıin oınaǵym keldi. Biraq 3:2 esebimen alda turǵanymda bári qıyndaı tústi.

Men sońyna deıin oınaı almaıtynymdy sezdim. ıÝlıa men Zarına da oıynnan bas tartqan soń barynsha sońyna deıin barǵym keldi. Oıynym jaqsy júrip jatsa da, jaǵdaıdyń osyndaı bolǵany ókinishti», - dedi Shvedova.