Kúnim, sen sónbeshi: Ernar Aıdardyń klıpine arqaý bolǵan atyraýlyq jup sábı súıdi
Jylyoı aýdanynyń ortalyǵy Qulsary qalasynda turatyn Marlen Nurǵasenov pen Ánel Muratovanyń ǵashyqtyq hıkaıasy ánshi Ernar Aıdardyń «Kúnim, sen sónbeshi» klıpine arqaý bolǵan. Jaqynda olar uzaq kútken sábıin qoldaryna aldy.
«Allanyń qudiretine shek joq qoı. Kim oılaǵan, biz áke, ana bolamyz dep? Allanyń qalaýymen áke, ana baqytyn sezindirgen balapanymyz ómirimizdi 360 gradýsqa ózgertti. Alladan surap alǵan botaqanymyz – 10 jyl kútken sábıimiz», - dep jazdy Ánel Muratova áleýmettik jelidegi paraqshasynda.
Ánel 2009 jyly aýyr jertke shaldyǵyp, ottegi ballonymen júrýge májbúr bolǵan. Aqtóbe, Almaty, Astana, Qaraǵandy qalalaryndaǵy dárigerlerge baryp, 7 jyldaı emdelgen. Syrqatyna baılanysty bir ókpesin alyp tastaǵan. Kúnine 20-dan astam dári-dármek qabyldaǵan onyń asqazany, júregi syr bergen. Reseıden kelgen professor «Áneldiń ómir súrýge 30 paıyz múmkindigi bar. Oǵan ota jasaýdy eshkim jaýapkershiligine almaıdy» degen. Marlen Nurǵasenov bul tujyrymmen kelispegen. Súıiktisiniń janynda bolyp, ottegi ballonyn tasymaldaǵan. Tipti, aýrýhanaǵa da birge túnegen.
Qos ǵashyq 2015 jyly úılenip, Qaraǵandy qalasynda neke qıdyrǵan. Sodan beri sábı kútip júr edi. Jaqynda ómirge kelgen tuńǵyshtaryna Dinmuhammed esimin berdi.
Foto keıipkerdiń áleýmettik jelidegi paraqshasynan alyndy.