Quny – 50 mlrd teńge: Qostanaı oblysynda bıdaıdy tereń óńdeıtin zaýyt salynady

<p>QOSTANAI. KAZINFORM &ndash; <strong>Qostanaı oblysynda bıdaıdy tereń óńdeıtin zaýyt salý jobasyn KazFoodProducts júzege asyr</strong><strong>yp jatyr</strong><strong>.</strong><strong> Bul týraly Aýyl sharýashylyǵy mınıstrligi habarlady.</strong></p>

Qazaqstan-Qytaı iskerlik keńesi aıasynda «Baiterek Venture Fund» AQ, Myande Group Co., Ltd qytaılyq kompanııasy, KazFoodProducts agroholdıngi jáne Qostanaı oblysynyń ákimdigi arasyndaǵy ınvestıtsııalyq jobany iske asyrý jónindegi yntymaqtastyq týraly memorandýmǵa qol qoıyldy. Jobanyń quny 50 mlrd teńgeden asady.

KazFoodProducts bas dırektory Álıhan Qaıratbektiń aıtýynsha, jańa Qostanay Grain Industry zaýytynyń qýattylyǵy jylyna 400 myń tonna bıdaı óńdeıdi dep josparlanǵan. Munda amınqyshqyldar, bıoetanol, glıýten, mal azyǵy, bıdaı kebek óndiriletin bolady. «Qostanai Grain Industry» JShS jobasyn iske qosý merzimi – 2027 jylǵy jeltoqsan. Jańa óndiriste 600 jańa jumys orny ashylady.

Sonymen qatar memorandým aıasynda Almaty oblysynda bıdaı men júgerini tereń óńdeý salasynda kóshbasshy «AzııaAgroFýd» zaýytynyń óndiristik qýatyn táýligine 200 tonnadan 300 tonnaǵa deıin arttyrý jobasy qarastyrylǵan.

Atalǵan jobalar azyq-túlik qaýipsizdigi men eksporttyq áleýetti arttyrýǵa, sondaı-aq agroónerkásiptik keshendi damytýǵa oń áserin tıgizedi dep josparlanǵan.