Quny 1 mlrd teńge — Jetisýda jasandy kedergileri bar 6 tender toqtatyldy

<p>ASTANA. KAZINFORM - Taldyqorǵan qalasynyń prokýratýrasy quny 1 mıllıard teńgeden asatyn 6 memlekettik satyp alý konkýrsynyń kúshin joıdy, dep habarlaıdy Jetisý oblysy prokýratýrasynyń baspasóz qyzmeti.&nbsp;</p>

Tapsyrys berýshiler konkýrstyq qujattamada biliktilik talaptaryn negizsiz joǵarylatyp, sol arqyly áleýetti ónim berýshilerdiń memlekettik satyp alýǵa qatysýyn shektep, qıyndatqan.

Taǵy bir jaǵdaıda, quny 500 mıllıon teńgeden asatyn qala kóshelerin aǵymdaǵy jóndeýge konkýrs jarııalanǵan kezde tapsyrys berýshi jóndeýdi qajet etetin kóshelerdiń ataýlaryn naqtylamaǵan, ár kóshedegi jumystyń smetalyq qunyn anyqtamaı, aqaýlyq aktilerdi usynbaǵan.

Prokýratýra sharalarymen zań buzýshylyqtardyń der kezinde aldyn alyp, kásipkerlik sýbektileriniń ashyq konkýrsqa qatysýyn qamtamasyz etti.