Qundy qaǵaz naryǵynda oıynshy atanǵan qazaqstandyqtardyń sany qansha

NUR-SULTAN. QazAqparat – Qundy qaǵaz naryǵynda oıynshy atanǵan jekelegen qazaqstandyqtardyń sany qansha? Bul saýalǵa búgin QR Qarjy naryǵyn retteý jáne damytý agenttiginiń baspasóz hatshysy Azamat Kenje jaýap berdi, dep habarlaıdy QazAqparat tilshisi.

Atalǵan agenttik uıymdastyrǵan onlaın baspasóz máslıhaty barysynda jýrnalıster vedomstvo ókilderinen: «Qundy qaǵaz naryǵynda oıynshy atanǵan jekelegen qazaqstandyqtardyń sany qansha? Olardyń ortasha jyldyq tabysy belgili me?», - dep suraǵan edi.

Saýalǵa jaýap bergen agenttiktiń baspasóz hatshysy Azamat Kenje osy jyldyń 1 aqpanyndaǵy jaǵdaı boıynsha jeke tulǵalardyń 138 myńnan astam brokerlik shoty ashylǵanyn aıtady.

«Tutastaı alǵanda, baǵaly qaǵazdardyń tabystylyǵy, onyń táýekel deńgeıi árkelki bolyp keledi. Al olardy tańdaý baǵaly qaǵazdy ustaýshy jeke tulǵalardyń óz erkinde bolǵandyqtan ınvestıtsııalaý kiristiliginiń jalpyǵa birdeı nátıjesin shyǵarý ázirshe múmkin emes», - dedi ol.