Qundyzbek Ábdirasylov QR Joǵary aýdıtorlyq palatasy Apparatynyń basshysy qyzmetine taǵaıyndaldy

<p>ASTANA. KAZINFORM - Qundyzbek Bolatuly Ábdirasylov Qazaqstan Respýblıkasy Joǵary aýdıtorlyq palatasy Apparatynyń basshysy qyzmetine taǵaıyndaldy, - dep habarlaıdy palatanyń&nbsp;<a href="https://www.gov.kz/memleket/entities/esep/press/news/details/756100?lang=kk" target="_blank" rel="noopener">baspasóz</a> qyzmeti.</p>

Qundyzbek Ábdirasylov 1982 jylǵy 16 qarashada dúnıege kelgen. «Áýlıe Ata» ýnıversıtetin jáne Jambyl gýmanıtarlyq-tehnıkalyq ýnıversıtetin bitirip, aqparattyq júıeler, qarjy jáne quqyq salalary boıynsha bilim alǵan. 2023 jyly RF SІM Dıplomatııalyq akademııasyn «ekonomıka magıstri» mamandyǵy boıynsha aıaqtady.

Eńbek jolyn 2005 jyly Jambyl oblysy Baızaq aýdany boıynsha Salyq komıteti Salyq tirkeý bóliminiń shtattan tys qyzmetkeri bolyp bastap, keıin bas maman bolyp jumys istegen.

2007-2010 jyldar aralyǵynda «Ulttyq aqparattyq tehnologııalar» AQ Memlekettik derekter bazasy departamentiniń bas mamany bolyp qyzmet atqardy.

2010-2014 jyldary – Qazaqstan Respýblıkasy Statıstıka agenttiginiń sarapshysy, bas sarapshysy, basqarma basshysy.

2014-2018 jyldar aralyǵynda QR Ulttyq ekonomıka mınıstrliginiń Statıstıka komıtetiniń Astana qalasy boıynsha statıstıka departamentiniń bas sarapshysy, departament basshysynyń orynbasary, departament basshysy bolyp jumys istedi.

2018 jyly QR Qarjy mınıstriniń keńesshisi bolyp taǵaıyndaldy.

2019-2021 jj. – QR Premer-Mınıstri orynbasarynyń keńesshisi, QR Premer-Mınıstri Keńsesiniń Kadr jumysy bóliminiń bas ınspektory.

2021-2022 jj. – Eýrazııalyq ekonomıkalyq komıssııanyń Ekonomıka jáne qarjy saıasaty mınıstri Hatshylyǵynyń basshysy.

2022-2023 jyldar aralyǵynda QR Premer-Mınıstriniń keńesshisi, QR Premer-Mınıstri Hatshylyǵynyń meńgerýshisi bolyp qyzmet atqardy.

2023-2024 jj. – QR Úkimeti Apparaty basshysynyń orynbasary.

2024 jylǵy sáýirde Joǵary aýdıtorlyq palata tóraǵasymen Qazaqstan Respýblıkasy Prezıdenti Ákimshiliginiń kelisimi boıynsha QR Joǵary aýdıtorlyq palatasy Apparatynyń basshysy bolyp taǵaıyndaldy.

«Qurmet» ordenimen, Qazaqstan Respýblıkasynyń Qurmet gramotasymen marapattalǵan.