Kúnbaǵys maıyn óndirý kólemi 62 paıyzǵa ósti - AShM

ASTANA. QazAqparat – Byltyr kúnbaǵys maıynyń eksporty 230 myń tonnaǵa jetti. Bul týraly Senatta ótip jatqan Úkimet saǵatynda Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Ósimdik maıyn óndiretin 70 kásiporyn jumys istep tur. Jalpy, azyq-túlik ónimderi kólemindegi úlesi 8 paıyzdy qurap otyr. Elimizde óndirilgen ósimdik maıymen qamtamasyz etý deńgeıi 141 paıyz shamasynda», - dedi E. Qarashókeev.

Onyń aıtýynsha, kúnbaǵys eksportyna qatysty qabyldanǵan shekteý sharalary esebinen otandyq óńdeý kásiporyndary shıkizat qorymen qamtyldy.

«Bul turǵyda 2022 jyldyń qorytyndysy boıynsha kúnbaǵys maıyn óndirý kólemi 62 paıyzǵa, ıaǵnı 331,9 myń tonnadan 537,1 myń tonnaǵa deıin ósti. Ssondaı-aq jyl basynan beri bul ónim boıynsha ishki naryqtaǵy baǵa 8,3 paıyzǵa tómendegeni baıqaldy», - dedi mınıstr.

Onyń sózine qaraǵanda, kúnbaǵys maıynyń eksporty 2022 jyly 229,4 myń tonnany qurady, bul kórsetkish 2021 jylǵa qaraǵanda 1,7 esege kóp.

Budan buryn habarlanǵandaı, Aýyl sharýashylyǵy mınıstrligi qant óndirýshilerdi baǵa dempınginen qorǵaý tetigi engizilgenin jarııalady.