Kúnbaǵys tuqymyna eksporttyq kedendik baj salyǵy qashan joıylady

<p>Kúnbaǵys tuqymyna eksporttyq kvota berý máselesi áli sheshilgen joq. Bul jaıynda Aýyl sharýashylyǵy mınıstrliginen málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Kúnbaǵys tuqymynyń eksportyn shekteý álemdik naryqtarda osy ónimge degen suranystyń kúrt ósýine baılanysty eksport kólemi artyp, otandyq qaıta óńdeýshiler qol jetimdi shıkizatsyz qalýyn boldyrmaý maqsatynda engizilgen. Eksporttyń kedendik baj mólsherlemesi 20 paıyzdy nemese tonnasyna 100 evrony quraıdy. Atalǵan shara otandyq suıyq maı óndirisin arttyrýǵa, onyń baǵasyn turaqtandyrýǵa, sondaı-aq, suıyq maı eksportyn asyrýǵa múmkindik berdi», - delingen mınıstrliktiń agenttiktiń resmı saýalyna bergen jaýabynda.

Vedomstvonyń atap ótýinshe, jańa egin jınalǵansha kúnbaǵys tuqymynyń óńdelmeı qalǵan ótpeli qaldyǵy boljamdalǵan jaǵdaıdy oǵan eksporttyq kvota berý josparlanǵan. Bul másele birneshe ret tıisti vedomstvoaralyq komıssııanyń qaraýyna shyǵarylǵan.

«Alaıda qaldyqtardyń kólemi boıynsha statıstıka organdary men qaıta óńdeýshilerdiń málimetteri arasynda qaıshylyqtar bolǵandyqtan kvota bólý máselesi sheshilgen joq. Qazirgi kezde kúnbaǵys tuqymyn jınaý naýqany áli júrip jatyr. Alaıda ústimizdegi jyldyń aýa raıynyń qolaısyzdyǵyna baılanysty kúnbaǵys tuqymynyń jıyny jyldaǵydan eleýli az bolýy kútilýde. Sondyqtan, qaıta óńdeý kólemderin bıylǵy deńgeıde saqtap qalý maqsatynda kvota bólý máselesi jáne esporttyq kedendik bajdy alyp tastaý máselesi jınaý jumystary aıaqtalǵan soń muqııat zerdelenetin bolady», - dedi mınıstrlikten.

Qazaqstandyq kúnbaǵys pen raps óniminiń kólemi, eksport jáne ımport týraly myna jerden oqı alasyz.