Kúnbaǵys maıyn shyǵaratyn zaýyt salýǵa memleketten qoldaý toqtatylady

<p>ASTANA. KAZINFORM &ndash;&nbsp; Eldegi kúnbaǵys maıyn shyǵaratyn zaýyttar 41 % ǵana júktememen jumys istep turn. Bul týraly Aýyl sharýashylyǵy mınıstrliginiń Kazinform saýalyna joldaǵan jaýabynda aıtylǵan.</p>

«Tutastaı alǵanda, elimizde shıkizat boıynsha qaıta óńdeý qýaty jetkilikti. 2023 jyly kúnbaǵys qaıta óńdeý boıynsha jumys istep turǵan qýattardyń júktemesi 41 %-yn qurady. Osylaısha, taıaý bolashaqta jańa kásiporyn qurýǵa qoldaý sharalaryn alyp tastaý josparlanyp otyr», - delingen mınıstrlik jaýabynda.

Mınıstrliktegiler Qazaqstan topyraǵynda óngen ónimniń kóbi shıkizat kúıinde syrtqa ketip jatqanyn moıyndap otyr.

«2023 jyldyń aqpan aıynan bastap kúnbaǵys eksporty úshin 20 %-y, biraq tonnasyna keminde 100 eýro mólsherinde eksporttyq kedendik baj qoldanylady. Kúnbaǵysqa eksporttyq baj eksportqa shıkizattyń kóp mólsherin áketý qaýpin boldyrmaý jáne otandyq óńdeý salasyn damytý maqsatynda belgilengen», - dep jazylǵan jaýapta.