Kún sýyq, ońtústikte kúshti jel turady – 15 jeltoqsanǵa kún raıy boljamy

<p><a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana" target="_blank" rel="noopener">&laquo;Qazgıdromet&raquo;</a> RMK-sy jeltoqsannyń 15-ne kún raıy boljamyn jarııalady, dep habarlaıdy <a href="https://kaz.inform.kz/?_gl=1*nisyse*_ga*NzgwMzg1NDY2LjE2OTQ4MzQ5NTM.*_ga_Y44SMVECD5*MTcwMjU2MTM3MS4xMDEuMC4xNzAyNTYxMzcxLjYwLjAuMA..&amp;pk_vid=950730acf4cfe4b61702561374e1f919" target="_blank" rel="noopener">Kazinform.</a></p>

Kásiporynnyń boljamyna qaraǵanda, respýblıkanyń basym bóligine, sýyq soltústik-batys antıtsıklony yqpal etedi. Osyǵan baılanysty kún kóbinese jaýyn-shashynsyz, biraq aıazdy bolady. Atmosferalyq aǵyndardyń ótýine baılanysty elimizdiń ońtústik-batysynda, ońtústiginde, ońtústik-shyǵysynda jaýyn-shashyn (jańbyr, qar), jaıaý burqasyn bolady. Qazaqstan boıynsha jel kúsheıip, ońtústikte tuman túsedi dep boljanyp otyr.

Túnde Almaty oblysynyń ońtústik-shyǵysynda óte qatty aıaz 30-31°S saqtalady. Jetisý oblysynyń Alakól kóliniń aýmaǵynda, túnde jáne tańerteń Túrkistan taýly asýlarynda, Jambyl oblysynyń ońtústik-batysynda, soltústik-shyǵysynda, Qyzylorda oblysynyń shyǵysynda, ortalyǵynda keı ýaqytta óte kúshti jel turyp, jyldamdyǵy sekýndyna 30 metrge jetedi, keı jerlerde odan da asyp túsýi múmkin.