Kún raıynyń kúrt nasharlaýynan Jetisýda birneshe jol apaty boldy

TALDYQORǴAN. QazAqparat – Kún raıynyń kúrt nasharlaýynan Jetisýda birneshe jol apaty boldy, dep habarlaıdy QazAqparat polisia.kz telegram kanalyna silteme jasap.

Eki jol apaty Aqsý aýdanyndaǵy Saǵabúıen aýylynyń mańynda tirkeldi. Eldi mekennen shyqqan kezde Mitsubishi Lancer avtokóliginiń 29 jastaǵy júrgizýshisi róldi basqara almaı, kópirden aýdarylyp ketken. Jol apatynan eki adam zardap shekti.

Sondaı-aq, Almaty-Óskemen avtojolynyń 361-shaqyrymynda (Saǵabúıende) CHERY krossoveri KamAZ-ben soqtyǵysqan. Oqıǵa ornynda 3 adam qaza tapty, olardyń arasynda sábı de bar. Taǵy eki adam aýrýhanaǵa túrli jaraqattarmen jatqyzyldy.