Aldaǵy kúnderi aýa raıy 20 gradýsqa deıin jylynady

<p>ASTANA.KAZINFORM &ndash; Qazaqstannyń ońtústiginde aldaǵy úsh táýlikte 20 gradýsqa deıin jylynady dep kútiledi. Bul týraly &laquo;Qazgıdromet&raquo; málim etti.&nbsp;</p>

«Qazgıdromet» sınoptıkteriniń boljamy boıynsha, atmosferalyq frontaldy bólimderdiń ótýine baılanysty taıaýdaǵy úsh táýlikte Qazaqstannyń basym bóliginde jaýyn-shashyn bolady. 

9 naýryzda ońtústikte, kúndiz Qazaqstannyń ońtústik-shyǵysynda tolassyz jańbyr jaýady. Respýblıka boıynsha jel kúsheıip, batysta, soltústikte jáne ortalyqta tuman shógedi dep boljanǵan.

Respýblıkanyń batys oblystarynda kúndiz termometr baǵany 0-8 jylýǵa deıin, soltústikte 4 gradýs aıazdan 1 gradýsqa kóteriledi dep boljanyp otyr. Al, elimizdiń ońtústik óńirlerinde kún raıy 10-20 gradýsqa deıin jylynýy múmkin.