Kún betinde sońǵy bes jyldaǵy eń qýatty jarylys boldy

<p>ASTANA. KAZINFORM &ndash; Sársenbige qaraǵan túni kún sáýlesinde kún belsendiliginiń osy tsıklindegi ekinshi eń qýatty jarylys boldy. Bul týraly Reseıdiń qoldanbaly geofızıka ınstıtýty habarlady, dep jazady <a href="https://nauka.tass.ru/nauka/22018145" target="_blank" rel="noopener">TASS.</a></p>

- 2 qazanda Astana ýaqytymen 03:20-da rentgen dıapazonynda 3842 (S16E16) kún daqtary tobynda uzaqtyǵy 31 mınýt bolatyn X7.1 alaý anyqtaldy, - delingen habarlamada.

2019 jyldyń jeltoqsanynda bastalǵan aǵymdaǵy tsıkldegi asa kúshti jarqyl tek bir ret – 2024 jyldyń 14 mamyrynda boldy. Ol X8.7 dep baǵalandy, mundaı qubylys 2017 jyldan beri bolmaǵan.

Reseı ǵylym akademııasynyń Ǵaryshtyq zertteýler ınstıtýty Kún astronomııasy zerthanasynyń jáne Reseı ǵylym akademııasynyń Sibir bólimshesiniń Kún-jer fızıkasy ınstıtýtynyń saıtyndaǵy aqparatqa sáıkes, jarqyl kún dıskisiniń dál ortasynda jerge maksımaldy yqpal etý aımaǵynda paıda boldy.

Rentgen sáýlelenýiniń qýatyna baılanysty kún jarqyly bes klasqa bólinedi: A, B, C, M jáne X. Eń az A0.0 klasy Jer orbıtasyndaǵy 1 sharshy metrge 10 nanovattyq radıatsııalyq qýatqa sáıkes keledi. Kelesi áripke ótkende qýat 10 ese artady. Ádette jarqyl kún plazmasynyń shyǵaryndylarymen birge júredi, olar Jerge jetip, magnıttik daýyldardy týdyrýy múmkin.