«Qumtór» altyn kenishi tolyǵymen Qyrǵyzstannyń menshigine ótti

BІShKEK. QazAqparat – «Qumtór» altyn ken ornyn Qyrǵyzstannyń menshigine berý rásimi aıaqtaldy, dep habarlaıdy QazAqparat Qyrǵyz Prezıdenti ákimshiliginiń aqparattyq saıasat qyzmetine silteme jasap.

Taıaýda ǵana Ulybrıtanııada «Qumtór» ken ornynyń 100 paıyz Qyrǵyzstan menshigine ótkenin rastaıtyn qujat almasý protsedýrasy ótti.

Ekijaqty kelisimge sáıkes, Qyrǵyzstan 2021 jyldyń 15 mamyrynan bastap osy kenishte óndirilgen búkil altynǵa ıelik etedi.

Kanadalyq «Centerra Gold» kompanııasy qyrǵyz tarapyna 11 mln AQSh dollary kóleminde dıvıdend tóleıdi, sonymen qatar 50 mln AQSh dollary kóleminde birrettik tólem jasaıdy.

Odan bólek, «Qumtór» ken ornyndaǵy quny shamamen 53 mln AQSh dollaryna jetetin rekýltıvatsııalyq qordy basqarý da Qyrǵyzstannyń qolastyna ótedi.

Aıta keteıik, «Centerra Gold» kompanııasynyń qyrǵyz tarapyna qarsy búkil sot protsesteri bitken. 27 shildede AQSh-ta ótip jatqan sot toqtatyldy, al 28 shildede kompanııa Shvetsııa men Kanada sotyna berilgen aryzyn qaıtyp aldy.