Qumshaǵaldyqtardyń qulshynysy joǵary

TARAZ. QazAqparat - Taraz qalalyq máslıhatynyń depýtattyǵyna kandıdattar Marııa Aıtbekova, Irına Kostına, Janar Búrkitbaeva «Qumshaǵal» ıininiń turǵyndarymen kezdesti, dep habarlaıdy QazAqparat.

Sonymen qatar úmitkerler saýda núktelerin aralap, kásipkerler men tutynýshylarǵa saılaý týraly málimet berdi. Júzdesýler barysynda «Nur Otan» partııasynyń taıaýdaǵy jyldarǵa arnalǵan baǵdarlamasyn tanystyryp, jetekshi saıası qurylymnyń bastamalaryn keńinen túsindirdi.

- «Nur Otan» partııasy óz aldyna ár azamattyń ál-aýqatynyń ósýine yqpal etetin ekonomıka qurý mindetin qoıyp otyr.

Qala ekonomıkasynyń turaqty damýy úshin biz, qalada jumys istep turǵan kásiporyndardy básekege qabilettiligin arttyrý, óndiris, saýda jáne qyzmet kórsetý salasyndaǵy jańa jobalardy iske asyrýymyz qajet.

Bul 1 069 myńnan astam jańa jumys oryndardy qurýǵa múmkindik beredi,-dedi Marııa Aıtbekova.

Sonymen qatar partııa oblys ortalyǵynda 5 ınvestıtsııalyq jobany iske asyrýǵa kúsh salmaq.

Jańa ınvestıtsııalyq jobalardy tartý jáne qala ekonomıkasyna kapıtal salymyn jasamaq ınvestorlarǵa qolaıly orta qalyptastyrý jáne olarmen qala turǵyndaryn mindetti jumysqa ornalastyrý kelisimge turý arqyly 2025 jylǵa qaraı jańa jumys oryndaryn qurýǵa múmkindik beredi. Jumyssyzdyq deńgeıi 5,6%-dy qurady.

Bul úshin «Nur Otan» partııasy jyl saıyn keminde 3 myń turaqty jumys oryndaryn qurýǵa, 30-dan kem emes áleýmettik jumys oryndaryn ashýǵa, jylyna 1000 adamnan kem emes jastar praktıkasyn uıymdastyrýǵa, eńbek naryǵynyń qajettilikterin eskere otyryp, kadrlardy qaıta daıarlaýǵa, memlekettik baǵdarlamalar men memlekettik qoldaý sharalarynyń jobalaryn iske asyrýǵa yqpal etedi.

Qabyldanǵan keshendi jospar nátıjesinde qalada 5 jyldyń ishinde shamamen jalaqyny 130,7 myńnan 176 myń teńgege deıin ósirýge jáne jumyssyzdyqty 5,6%-dan 4,9%-ǵa deıin tómendetýge múmkindik beredi.

«Nur Otan» partııasy Taraz qalalyq saılaý qorynyń qarajatynan tólendi