«Kúmis jas» baǵdarlamasyna kimder qatysa alady

<p>ASTANA. KAZINFORM &ndash; Astanada &laquo;Kúmis jas&raquo; baǵdarlamasy arqyly jyl saıyn 800-ge jýyq jumyssyz júrgen azamat eńbekpen qamtylýda. Bul týraly Astana qalasy ákimdiginiń &laquo;Eńbek mobıldiligi ortalyǵy&raquo; dırektory Oljas Omar málim etti.</p>

«Astanada 50 jastan asqan jumyssyz azamattarǵa arnalǵan «Kúmis jas» baǵdarlamasy bar. Kásibı ósý ortalyǵy jumys berýshige 50 jastan asqan adamdy eńbekpen qamtyǵany úshin 3 jyl boıy sýbsıdııa tóleıdi. Jalaqy kólemi 110 760 teńge (30 AEK), - dedi Oljas Omar Astana qalasynyń kommýnıkatsııalar qyzmeti alańynda ótken baspasóz máslıhatynda.

Ortalyq basshysynyń aıtýynsha, memleket jumysshy jalaqysynyń 70% sýbsıdııalaıdy.

«Bul júıe jumys izdeýshi, jumyspen berýshi úshin de tıimdi. Odan basqa bizde qoǵamdyq jumystar bar. Ol jerde adamnyń jas ereksheligi, mamandyǵy mańyzdy emes, bastysy jumys isteýge nıetti bolýy. Taǵy bir mańyzdy baǵyt – kadrlardy daıarlaý jáne jumyssyzdardy kásiptik oqytý. Ol baǵytta júzege asyrylady, birinshi jumys berýshilerdiń ótinishi boıynsha bilim berý uıymdarynda kadr daıarlaý, ekinshi baǵyty jumys ornynda. Kásibı oqytýdyń artyqshylyǵy 32 681 teńge kóleminde tólenetin shákirtaqy tólenedi», - deıdi ol.