«Kúmis jas»: Elordada baǵdarlamaǵa qatysatyn jumys berýshilerden ótinim qabyldanýda

NUR-SULTAN. QazAqparat – «Kúmis jas» baǵdarlamasyna qatysýǵa nıet tanytqan jumys berýshilerden ótinim qabyldap jatyr. Bul týraly Nur-Sultan qalasy ákimdigi Halyqty jumyspen qamtý ortalyǵynyń dırektory Azamat Baıtasov aıtty, dep habarlaıdy QazAqparat tilshisi.

«Bıyl «Kúmis jas» baǵdarlamasyn iske asyramyz. Bul baǵdarlama aıasynda zeınetkerlikke shyǵýǵa 2 jyl qalǵan azamattardy ýaqytsha jumyspen qamtımyz. Mundaı azamattarǵa jalaqynyń 50 paıyzyn memleket, qalǵan 50 paıyzyn jumys berýshi tóleıdi. Jalaqynyń eń joǵary shegin 30 aılyq mólsherinde bolady. Bul 91 myń teńge shamasynda. Mysaly, jumys berýshi 180 myń teńge jalaqy belgilese, onda onyń 90 myńyn memleket tóleıtin bolady. Bul baǵdarlamaǵa qatysýǵa nıet tanytqan jumys berýshilerden ótinim qabyldap jatyr», - dedi ol qala ákimdiginde ótken brıfıng barysynda.

Ortalyq dırektorynyń aıtýynsha, bıyl «Jastar tájirıbesi» jobasyna qatysýshylardyń eńbekaqysy 122 myń teńgege deıin ulǵaıtylady. Tájirıbeden ótý merzimi 6 aıdan 1 jylǵa deıin uzartylady. Sondaı-aq, «Alǵashqy jumys orny» jobasyna qatysýshylardyń jalaqysy 30 AEK-ke deıin nemese 91 myń teńgege deıin artady.