Qumar oıynǵa táýeldilik: Almatyda lýdomanııa dıagnozymen 10 naýqas esepte tur

ALMATY. QazAqparat - Respýblıkalyq psıhıkalyq densaýlyq ǵylymı-praktıkalyq ortalyǵy halyqaralyq yntymaqtastyq jáne qoǵammen baılanys bóliminiń basshysy Rınat Muzafarov Almaty qalasynyń óńirlik kommýnıkatsııalar qyzmetinde oıynǵa táýeldiliktiń aldyn alý jáne onyń saldary týraly aıtyp berdi, dep habarlaıdy QazAqparat tilshisi.

Sarapshynyń aıtýynsha, lýdomanııa dıagnozymen 10 adam tirkelgen.

Esepke aýrýy asqynǵan adamdar alyndy. Ortalyqqa adam ózi júgingen jaǵdaıda kómek esepke qoıylmaı kórsetiledi.

«Eger adam qumarlyqqa batpaı oınap júrgen bolsa, biz ony esepke ala almaımyz. Esepke oıynǵa táýeldi jandar alynady. Barlyq kómekti kórsetý úshin bizde ınfraqurylym da, mamandar da bar. Alaıda, adamdar osy baǵytta kómek alý úshin memlekettik uıymdarǵa júgine bermeıdi», - dedi spıker.

Spıkerdiń sózinshe, táýeldilik hımııalyq jáne hımııalyq emes bolyp ekige bólinedi.

Eger birinshisine alkogolızm, nashaqorlyq pen toksıkomanııa kirse, ekinshi sanatqa lýdomanııa jatady.

«Lýdomanııa dıagnozyn qoıý ońaı bolǵanymen, ony emdeý óte qıyn. Munyń bári adamnyń oıynǵa qansha ýaqyt bólgenine baılanysty. Ádette, adamnyń ózi bastapqyda táýeldi bolyp qalǵanyn bilmeı qalady. Qumar oıyndarǵa beıimdilik bastapqyda jeńil jolmen paıda tabý nıetinde bastalyp, odan emotsıonaldy baılanyp, keıin tolyǵymen táýeldi bolyp qalady. Kóp jaǵdaıda, qumar oıyn oınaıtyn adam qoǵamnan alystap ketpeıinshe, týystary da, dostary da qatty dabyl qaǵa qoımaıdy», - deıdi maman.

Ol lýdomandardyń otbasy men jaqyndaryn qaryzǵa belshesinen batyratynyn aıtty.

«Táýeldilikti oqshaýlaý arqyly emdeý kerek. Jalǵyz aıyrmashylyǵy, bul jaǵdaıda nashaqorlyqpen aýyratyn naýqastar sııaqty hımııalyq detoksıkatsııa qajet emes. Munda psıho-áleýmettik ońaltý júrgizý qajet. Eń bastysy, adam táýeldiliksiz ómir súrýdi úırenýi kerek. ıAǵnı, táýeldiliktiń ornyna ol ary qaraı óz ómirine beıimdeıtin basqa da jaǵdaılardy usyný kerek», - dep qorytyndylady R. Muzafarov.