Qumar oıyndar men bás tigýge qarsy is-qımylǵa 80 mln teńge bólinbek

<p>ASTANA. KAZINFORM &ndash; Elimizde qumar oıyndar men bás tigýge qarsy is-qımylǵa 80 mln teńge bólinbek. Bul týraly Ashyq NQA portalyna talqylaýǵa shyǵarylǵan Qazaqstan Respýblıkasynda zańsyz oıyn bıznesi men lýdomanııaǵa qarsy is-qımyl boıynsha 2024-2026 jyldarǵa arnalǵan keshendi josparda aıtylǵan.</p>

Keshendi jospardy iske asyrý nátıjesinde mynadaı kórsetkishterge qol jetkiziletin bolady:

- qumar oıyndarǵa jáne bás tigýge turaqty qatysatyn adamdar sany 350 000-nan 201 600 adamǵa deıin tómendeıdi: 2024 jyly – 35 000 (10%), 2025 jyly – 63 000 (20%), 2026 jyly – 50 400 (20 %);

- memleket esebinen tegin emdeý jáne medıtsınalyq-áleýmettik ońaltý boıynsha kómek alǵan, qumar oıyndarǵa patologııalyq táýeldilikten zardap shegetin adamdardy qamtýdy 13-ten 300 adamǵa deıin ulǵaıtý: 2024 jyly – 50 adam, 2025 jyly – 150 adam, 2026 jyly – 300 adam;

- buǵattalǵan ınternet-kazınolar men zańsyz býkmekerlik saıttardyń sanyn 4500-den 7722-ge deıin ulǵaıtý: 2024 jyl – 450-ge (10 %), 2025 jyl – 990-ǵa (20 %), 2026 jyl – 1782-ge (30 %).

«Osyǵan baılanysty Qazaqstan Respýblıkasynda zańsyz oıyn bıznesi men lýdomanııaǵa qarsy is-qımyl boıynsha 2024-2026 jyldarǵa arnalǵan Keshendi jospardyń is-sharalaryn iske asyrýǵa 2024-2026 jyldarǵa arnalǵan respýblıkalyq bıýdjetten 80 931 200,0 teńge qarjy shyǵystaryn bólý kózdeledi», - delingen qujatta.