Qumar Aqsaqalov: jas ana Áıgerim Qazezovanyń ólimine qatysty naqty sheshimder qabyldandy

PETROPAVL. QazAqparat – Soltústik Qazaqstan oblysynyń ákimi Áıgerim Qazezovanyń ólimine qatysty áleýmettik jelide jazba qaldyrdy, dep habarlaıdy QazAqparat tilshisi.

Óńir basshysy Qumar Aqsaqalov jas ana Áıgerim Qazezovanyń ólimine qatysty isti nazarda ustady. Buǵan deıin oblys ákimi arnaıy komıssııa qurylyp, táýelsiz sarapshylar tartylatyndyǵyn aıtqan edi. Al fakt rastalǵan jaǵdaıda, kináliler zańǵa sáıkes qatań jazaǵa tartylyp, qyzmetinen bosatylady.

Búgin Qumar Aqsaqalov áleýmettik jelide jańa jazba qaldyryp, Áıgerim Qazezovanyń ólimine qatysty naqty sheshimder qabyldanǵanyn aıtty.

«Naýqas Áıgerim Qazezovanyń ólimine qatysty oblysta táýelsiz komıssııa jumys istedi. Jan-jaqty tekserý júrgizilip, onyń barysynda barlyq faktiler rastaldy. Osyǵan baılanysty naqty sheshimder qabyldandy. Qyzmetinen bosatylǵandar:

ıÝrıı Belonog - kópsalaly oblystyq aýrýhananyń bas dırektory;

Anatolıı Rafalskıı - Taıynsha aýdandyq aýrýhanasynyń dırektory», - delingen jazbada.

Buǵan deıin SQO densaýlyq saqtaý basqarmasynyń basshysy Nurlan Aımanov ana ólimin jasyrý faktisine qatysty túsinik bergen edi.