Qumar Aqsaqalov komandalyq aýys-túıis týraly: Burynǵy jumysymnan birde-bir adamdy shaqyrǵan joqpyn

ASTANA. QazAqparat – Qostanaı oblysynyń ákimi Qumar Aqsaqalov qyzmet aýystyrýdaǵy komandany alyp júrý týraly óz pikirin bildirdi, dep habarlaıdy QazAqparat tilshisi.

«Kóptegen basshynyń basqa qyzmetke aýysqanda óz komandasyn alyp baratyny jasyryn emes. Qumar Іrgebaıuly, Qostanaı oblysyna barǵanyńyzǵa biraz ýaqyt boldy. Qazirge deıin qanshalyqty kadrlyq aýys-túıis boldy? ıAǵnı, siz Qostanaıǵa óz komandańyzdy alyp bardyńyz ba?» - dep suraq qoıdy tilshiler elordada Ortalyq kommýnıkatsııalar qyzmetinde ótken baspasóz máslıhatynda.

Óz jaýabynda óńir ákimi barlyq aýys-túıis buqaralyq aqparat quraldarynda jarııalanyp otyrǵanyn aıtty.

«Men ózimmen birde-bir adamdy alyp kelgen joqpyn. Meniń prıntsıpim – qaı jerde bolsa da jergilikti adamdarmen jumys isteýimiz kerek. Ózim Qostanaı oblysynyń týmasymyn. Biraz azamattardy kópten beri tanımyn. Otyz jyl buryn istegen azamattardyń da potentsıalyn bilemin. Árıne, ýaqyt talabyna saı keıbireýleri jumystan alynady, aýysady, ol jumystyń talabyna saı bolady. Al komanda bolyp, ózimmen birge jumys istegen azamattardyń bireýin de alyp kelgen joqpyn», - dep jaýap berdi Qumar Aqsaqalov.

Aıta keteıik, 2022 jyldyń 1 jeltoqsanynda Qumar Aqsaqalov Qostanaı oblysynyń ákimi laýazymyna taǵaıyndalǵan edi. Bul laýazymǵa deıin Q. Aqsaqalov 5 jyl Soltústik Qazaqstan oblysynyń ákimi bolǵan.

Búgin Qostanaı oblysynyń ákimi Qumar Aqsaqalov elordada 5 aıdaǵy áleýmettik-ekonomıkalyq damý jóninde esep berýde.