Kúmándi aqsha aýdarymdaryn 22 shildeden bastap buǵattaı bastaıdy — Ulttyq bank
Bul qarjy uıymdary, quqyq qorǵaý organdary, sondaı-aq uıaly baılanys operatorlary qosylatyn tehnologııalyq platforma.
Ol alaıaqtyq belgileri bar tranzaktsııalarǵa jedel áreket etý maqsatynda jasaqtalyp otyr.
Alaıaqtardyń shottaryndaǵy aýdarymdar buǵattalyp, úsh kún ishinde qaıtarylady. Osyndaı talap qoıyp otyrǵan Ulttyq bank normatıvtik quqyqtyq aktilerde qarjylyq uıymdardyń alaıaqtyq belgileri bar operatsııalar boıynsha derekter almasý ortalyǵymen ózara is-qımylyna qoıylatyn talaptardyń jobalaryn jarııalady.
Uıymdar alaıaqtyqqa qarsy ortalyqtyń derekqorlarymen árbir tólem tranzaktsııasyn tekserýge jáne eger alýshy tólemniń kúdikti benefıtsıary bolsa, aqsha aýdarýdy toqtatýǵa mindetti.
Eger klıent qarjy ınstıtýtyn eskertkennen keıin aqshany jiberýdi talap etse, tólem qaıta bastalady. Qarjy ınstıtýttary da alaıaqtyq belgileri bar klıentterden tranzaktsııalar týraly úzindi kóshirmelerdi qabyldaýǵa jáne olardy alaıaqtyqqa qarsy ortalyqqa berýge mindetti.
«Tólem benefıtsıarynyń banktik shoty nemese elektrondyq ámııany „aqshany alý sebepterin anyqtaý“ úshin dereý buǵattalýy kerek. Sodan keıin úsh jumys kúni ishinde qarjy ınstıtýty kúdikti shottan blokty alyp tastaýy nemese alaıaqtyqqa qarsy ortalyq pen qylmystyq qýdalaý organdaryna alaıaqtyq áreketi týraly habarlama jiberýi kerek. Osydan keıin jiberýshi úsh jumys kúni ishinde aýdarymyn nemese tólemin qaıtaryp alýy kerek», — dep habarlady Ulttyn banktiń baspasóz qyzmeti.
Alaıaqtyq belgileri bar tranzaktsııalardy buǵattaý 22 shildeden bastap júzege aspaqshy.