Qulsary qalasyndaǵy tóbelesten soń úsh kúdikti qamaýǵa alyndy
Qulsary – Jylyoı aýdanynyń ortalyǵy bolǵanymen, Atyraý oblysyndaǵy jalǵyz monoqala. Qazir 65 myńnan astam turǵyny bar monoqala birneshe shaǵyn aýdan men aýylǵa bólingen.
Tóbeles týraly áleýmettik jelide vıdeo júkteldi.
Atyraý oblystyq polıtsııa departamentiniń baspasóz qyzmetiniń rastaǵan aqparatqa qaraǵanda, tún ortasyndaǵy tóbeles 19-20 jastaǵy jigitter arasynda bolǵan.
«Túngi saǵat 03:00 shamasyndaǵy tóbelesten 2004 jylǵy jigit túrli dene jaraqatyn alǵan. Tóbeleske qatysyp, quqyq buzýshylyqqa jol bergen barlyq jigit anyqtalyp, ustaldy. Kúdikti retinde 2003 jáne 2004 jylǵy úsh kúdikti qamaýǵa alyndy» dep habarlady departamenttiń baspasóz qyzmeti.
Jylyoı aýdandyq polıtsııa bóliminiń qyzmetkerleri QR Qylmystyq kodeksiniń 106-babynyń 2-bóligimen (Densaýlyqqa qasaqana aýyr dene jaraqatyn salý) jáne 293-bappen (Buzaqylyq) sotqa deıingi tergeý amaldaryn júrgizip jatyr. Ózge aqparat QR Qylmystyq protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, budan buryn Atyraýda polıtsııaǵa qarsylyq kórsetken 5 jigit qamaýǵa alynǵanyn habarlaǵan edik.
Ýchaskelik polıtsııa ınspektorlary qarsylyq kórsetken 1985, 1986, 1987, 1988 jáne 1991 jylǵy jigitterge qatysty QR Ákimshilik quqyq buzýshylyq týraly kodeksiniń 434-babynyń 1, 2-bólimderimen 667-babynyń 1-bólimimen ákimshilik hattama toltyryldy. Jınaqtalǵan is qujattary sotqa joldandy. Sot sheshimimen kinálilerge 5 kúnnen 20 kúnge deıin ákimshilik qamaýǵa alý jazasy taǵaıyndaldy.