Qulsaryǵa 1 myń tonnadan astam gýmanıtarlyq kómek jetkizilgen

<p>ATYRAÝ. KAZINFORM &ndash; Atyraý oblysyndaǵy Qulsary qalasyna tótenshe jaǵdaı engizilgennen beri 1 myń tonnadan astam gýmanıtarlyq kómek jetkizilgen.&nbsp;</p>

Atyraý oblysy jedel shtabynyń málimetine qaraǵanda, Jylyoı aýdandyq gýmanıtarlyq kómek ortalyǵynda 60-qa jýyq erikti turǵyndarǵa azyq-túlik taratýǵa jumylǵan.

Qazir Qulsary qalasyndaǵy eriktiler shtabynyń jetekshisi Janargúl Sharǵabaevanyń aıtýynsha, ortalyqta azyq-túliktiń mol qory bar.

«Sý tasqynyna zardap shekken turǵyndarǵy azyq-túlikti keste boıynsha taratamyz. Qazir 500-ge jýyq otbasyn barlyq qajetti zattarmen qamtamasyz etip otyrmyz. Atyraýdan 20 tonnalyq júk kóligimen gýmanıtarlyq kómek keldi. Ony 4 pýnkt arqyly taratýdamyz. Un, muzdatylǵan qus eti, jumyrtqa, jarma, jaıalyq pen tósek jabyndysy sekildi azyq-túlik pen qajetti zattardyń qory jınaqtalǵan. Qulsaryǵa uzaq saqtalatyn azyq-túlik, gıgıenalyq quraldar men turmystyq hımııalyq zattar oblys ortalyǵynan jetkizilip jatyr», - dedi Janargúl Sharǵabaeva.

Eske sala ketelik, buǵan deıin Tasqyn sý basqan Qulsarydan 10 tonnadan astam qoqys shyǵarylǵanyn habarlaǵan bolatynbyz.