Qulsarydan lagerge jiberilgen oqýshylardyń ata-anasyna bılet quny qaıtarylady

<p>ATYRAÝ. KAZINFORM &ndash; Atyraý oblysyndaǵy Qulsary qalasynan lagerge jiberilgen oqýshylardyń ata-anasyna bılet quny qaıtarylady.&nbsp;</p>

Atyraý oblystyq bilim basqarmasynyń baspasóz qyzmetinen málim etkendeı, Oqý-aǵartý mınıstrligi qulsarylyq oqýshylardyń «Baldáýren» respýblıkalyq oqý-saýyqtyrý ortalyǵynda demalýyna qoldaý kórsetken.

«Mınıstrliktiń qoldaýymen 146 oqýshy Şýchınsk, Túrkistan, Qonaev jáne Balqash qalalaryna demalýǵa jiberildi. Balalardy kútip alý, tamaqtandyrý, saýyqtyrý demalysy jáne oqytý qyzmetteri «Baldaýren» respýblıkalyq oqý-saýyqtyrý ortalyǵynyń qyzmetine kiredi. Balalardyń jol aqysyna jumsalǵan qarjy, jolda júrý bıletteriniń aqshasy tapsyrylǵan soń tólenetin bolady», - dep habarlady basqarmanyń baspasóz qyzmeti.

Ata-analarǵa balalarynyń lagerge baryp-kelýi úshin bılet satyp alýǵa jumsalǵan qarjysy qaıtarylatyny týraly túsinik júrgizilgen.

Eske sala ketelik, buǵan deıin qulsarylyq 146 bala lagerge demalýǵa jiberilgenin habarlaǵan bolatynbyz.